Ғұсыл

Араб тілінде дене дәретін алуды, яғни шомылуды ғұсыл деп айтады.
Мынандай жағдайларда ғұсыл парыз болады.
1. Ұйқыдан тұрғанда шәһуәт кеткені білінсе;
2. Шәһуәт нәпсінің қозуымен күштеп атылып шықса;
3. Жыныстық қатынастан соң;
4. Хайыз әйелдердің етеккірі келген жағдайда;
5. Нифас бала тапқаннан кейінгі жағдайда;
6. Кәпір Ислам дінін қабылдаса;
7. Мұсылман дүниеден озғанда.
Осы жағдайларда бой дәрет парыз деп есептеледі.Онсыз намаз оқу, тіләуат сәждесін орындау, тіпті Қасиетті Құран Кәрим аяттарын оқудың өзі харам.

Ғұсылдың парыздары

Ғұсылдың парызы үшеу.
1. Ауызды шаю.
2. Мұрынды шаю.
3. Денені бастан аяққа дейін тұтас жуу.
Осы айтылған парыздың бірі орындалмаса, кісі ғұсыл алған болып есептелмейді, әйелдер өрген шаштарын тарқатуы шарт емес. Бірақ шаштың түбіне су тигізуі шарт. Денедегі бір қылдың түбіне су тимей қалса, оның дәреті дәретке есептелмейді.

Ғұсылдың сүннеттері.

1. Ғұсылға ниет ету.
2. «Бисмиллаһ» деп, Алланы зікір етіп бастау.
Ескерту: Киім шешілгеннен кейін «Бисмилләһ» деп іштей айтылады.
3. Екі қолды білезікке дейін жуу.
4. Ғұсылдан бұрын дәрет алу.
5. Әуретте нәжіс болса кетіру.
6. Оң жақтан бастап құйыну.
7. Денеге, бастан аяқ суды үш рет құю.

Ғұсыл алу тәртібі

Қыстаған жағдайда алдымен іш дәрет алынады, қыстамаса соңынан алғаны артық. Кейін сүннет бойынша дәрет алынады. Бұл дәретті киімін шешпей тұрып немесе шешінгеннен кейін алса да болады.
Егер ғұсылда басып тұрған жерге су жиналатын болса, аяқты шомылып болған соң бір ақ жуады.
Дәретте қыблаға бет қарату әдепке жатса, ғұсылда мәкруһ болады. Сол себепті шешінгеннен кейін алды немесе арты қыблаға қаратылмайды.
Шешінгеннен кейін «Бисмилләһ» іштей айтылады.Осыдан кейін сүннетке сай дәрет алынған жағдайда, білезікке дейін үш рет жуылып, ғұсылдың парыздары орындалады.
Құйынғанда су алдымен басқа, одан кейін оң және сол иыққа, кейін оң және сол аяққа құйылады.
Ғұсылда су алынатын ыдысқа мұқият болу қажет, әсіресе беті ашық ыдыстағы су күнге қызса, онан дәрет алу немесе ғұсыл құйыну мәкруһ болады.
Ғұсыл үшін біздегі көпшілікке арналған моншаларға тек оранып кіру мүмкін. Себебі, әуретті бекіту мұсылмандарға парыз. Әуретті бөтен кісіге көрсету немесе біреудің әуретіне қарау харам.
Ерлердің әуреті кіндіктен тізеге дейін, әйелдердің бет, екі қол білезікке дейін, ал аяқ тобыққа дейін әурет болып есептелмейді. Қалған жердің барлығы әуретке жатады.

Ғұсылдың түрлері

Ғұсылдың парыз болу түрлері:
1. Ұйқыдан тұрғанда шәһует кеткені білінсе;
2. Шәһует нәпсінің қозуымен күштеп атылып шықса;
3. Жыныстық қатынастан соң;
4. Хайыз әйелдердің етеккірі келген жағдайда;
5. Нифас бала тапқаннан кейін;
6. Кәпір Ислам дінін қабылдаса;
7. Мұсылман жан тапсырғанда.
Ғұсылдың сүннет түрлері:
1. Хәдәсу акбар, яғни ауыр нәжістен таза болған біреу Ислам дінін қабылдағанда;
2. Ер немесе қыз бала балағатқа жеткенде.
3. Талып қалып, мас болып, жынданып есі кіргенде.
4. Тәубе ету үшін.
5. Мәйітті жуғаннан кейін.

Advertisements

3 жауап

  1. мына мағлұматтар қандай кітаптардан аударылды?

  2. Абдуссамад Махат, Әл-Фиқһ кітабынан алынған. Бұл кітап Имам Ағзам Әбу Ханифаның ханифи мазхабы кең қарастырылған. Не болды, неге сұрадыңыз?

  3. аманшылық. мен де аздап фикхпен айналысамын. түрік тілін үйренемін деп, біраз жыл бұрын түрікшеден қазақшаға аудару жасап бастағанмын.
    сіздің аударуыңызба, әлде қазақша фикх кітабы ма?
    менім қолданатын кітабым “tam ilmlhal seadet-i ebediyye”. авторы Сыддық Гүмүш, кітаптың соңында қолданған кітаптарының және олардың авторларының тізімі бар. қызықтырғаны сол. күмәнің болса тексеру оңай. методология мен систематиканың күштілігі сол емес пе. көптеген кітаптардан (түрік тілінде) ондайды таба алмадым.
    жауабыңызға үлкен рахмет! блогыңызға жиі кіретін қонақ болармын.

Пікір қалдыру

Please log in using one of these methods to post your comment:

WordPress.com Logo

You are commenting using your WordPress.com account. Log Out / Өзгерту )

Twitter picture

You are commenting using your Twitter account. Log Out / Өзгерту )

Facebook photo

You are commenting using your Facebook account. Log Out / Өзгерту )

Google+ photo

You are commenting using your Google+ account. Log Out / Өзгерту )

Connecting to %s

%d bloggers like this: